Зямля мая Магілёўская

У ГБ № 8 імя Е. Полацкай для вучняў 4 “Б” класа ДУА “СШ № 18 г. Бабруйска” прайшоў другі занятак пазнавальна-адукацыйнага праекта “Гэта мая КРАІНА!” пад назвай “Зямля мая Магілёўская”. Мерапрыемства было прысвечана 80-годдзю ўтварэння Магілёўскай вобласці. Дзеці зрабілі віртуальную вандроўку па вобласці, завіталі ў наш абласны цэнтр – Магілёў; пазнаёміліся са славутасцямі старажытных гарадоў: Шклова, Мсціслаўля, Быхава; прыродным багаццем Магілёўшчыны. Дзеці актыўна адказвалі на шматлікія пытанні і разгадвалі цікавыя красворды пра родную магілёўшчыну.