Край блакітных азёраў і рэк

У ГБ № 8 імя Е. Полацкай для вучняў 4 «Б» класа ДУА “СШ № 18 г. Бабруйска” прайшоў пяты занятак пазнавальна-адукацыйнага праекта “Гэта мая КРАІНА!” пад назвай “Край блакітных азёраў і рэк”. Такім краем, а яшчэ “Беларускім Паазер’ем” называюць Віцебскую вобласць. Дзеці зрабілі віртуальнае падарожжа ў абласны цэнтр Віцебск, самы старажытны і славуты горад Полацк, даведаліся пра гісторыю Полацкага Сафійскага сабора і Спаса-Еўфрасіннеўскага манастыра, пазнаёміліся з прыроднымі славутасцямі Віцебшчыны – Рэспубліканскім ландшафтным заказнікам “Ельня” і Нацыянальным паркам “Браслаўскія азёры”. На прыканцы мерапрыемства дзеці разгадалі крыжаванку па гарадах Віцебскай вобласці.