У 2019 годзе ў гарадской бібліятэцы № 8 імя Е. Полацкай працягвае сваю працу культурна-асветніцкі праект “Кніжкіна гісторыя”. Для вучняў 3 “А” класа ДУА “Сярэдняя школа № 18 г. Бабруйска” адбыўся пяты занятак, прысвечаны нашай выдатнай суайчынніцы, асветніцы, святой Еўфрасінні Полацкай. Занятак так і называўся “Беларуская асветніца, святая – Еўфрасіння Полацкая”. Вучні даведаліся пра жыццё і духоўныя подзвігі Еўфрасінні, пагарталі фіксімільнае выданне “Жыціе блажэннай Еўфрасінні, ігуменні манастыра Уседзяржыцеля Святога Спаса ў горадзе Полацку”. Дзяцей чакалі цікавыя творчыя заданні: размалёўка выявы Еўфрасінні Полацкай, а таксама спроба напісаць словы і сказы гусіным пяром, так, як гэта рабіла сама Еўфрасіння.
Янв 10 2019
Свежие комментарии