Адвечны голас Радзімы

Да Дня роднай мовы ў гарадской бібліятэцы №7 ім. А. А. Шагенцукава адбыўся літаратурна-музычны калейдаскоп ”Адвечны голас Радзімы”.

Удзельнікамі мерапрыемства сталі навучэнцы СУСУ “Дзіцяча-юнацкая спартыўная школа №1 г. Бабруйска”.

У атмасферы добразычлівасці дзеці даведаліся пра гісторыю ўзнікнення Дня роднай мовы, пра неабходнасць яе захавання. Пазнаёміліся з цікавыми звесткамі пра беларускую мову.

Адчуць прыгажосць і хараство роднай мовы  навучэнцам дапамагло чытанне вершаў славутых паэтаў-класікаў беларускай літаратуры пра мову: Я. Купалы, М. Танка , Н. Гілевіча, У. Дубоўкі. Юныя чытачы адказвалі на пытанні віктарыны, адгадвалі загадкі, спаборнічалі, хто хутчэй скажа скарагаворку. Падчас мерапрыемства дзеці праявілі знаходлівасць, эрудыцыю, хуткасць думкі.

Напрыканцы сустрэчы  бібліятэкар  завяршыла мерапрыемства словамі Францішака Багушэвіча, які казаў: “Мова – гэта “адзежа душы”. Няхай жа душа беларускага народа, нарэшце, апранаецца ў сваё адзенне, сатканае  з такой прыгожай, звонкай беларускай мовы!

Добавить комментарий

Авторизация
*
*
Регистрация
*
*
*
Генерация пароля