Святая Прападобная Еўфрасіння Полацкая – вядомая асветніца ХII стагоддзя. Яна стала першай беларускай жанчынай, пра якую загаварыў увесь свет. І хоць з таго часу, калі жыла Еўфрасіння Полацкая, мінула шмат стагоддзяў, нельга згадваць яе імя без пашаны і павагі.
Яна імкнулася да веры, да навучання і, пастрыгшыся ў манашкі, пасялілася ў “галубніцы” Полацкай Сафійскай царквы, дзе чытала і перапісвала царкоўныя кнігі, каб далучаць да ведаў як мага больш людзей. Яна была выдатным арганізатарам, пад яе кіраўніцтвам былі пабудаваны Спаса-Праабражэнская царква, жаночы і мужчынскі манастыры, якія сталі асяродкам асветы ў Полацкім княстве.
У 1161 годзе ювелір Лазар Богша вырабіў для Еўфрасінні Крыж – свяшчэнную рэліквію, сімвал ачышчэння і яднання народа. Складаны, пакручасты і загадкавы лёс Крыжа.
Прапануем вам паспрабаваць “прайсці” 860 крокаў у мінулае, каб прыгадаць лёс помніка нацыянальнай культуры, беларускай святыні – Крыжа Еўфрасінні Полацкай.
Выданне адрасавана навучэнцам школ, гімназій, студэнтам, настаўнікам, а таксама ўсім, хто імкнецца глыбей ведаць гісторыю Беларусі.
Свежие комментарии