У ДБ № 5 прайшоў інфармацыйны час “Я завуся беларусам – гэтым я і ганаруся”, прысвечаны Году народнага яднання. Сумесна з УА “ДШМ № 2 імя У.У.Алоўнікава” была падрыхтавана вялікая праграма. Школьнікам была прадстаўлена слайд-прэзентацыя “Беларусь сінявокая”, якая пазнаёміла вучняў з сімволікай Беларусі, яе выдатнымі мясцінамі, славутымі прадстаўнікамі краіны, якія сваімі працоўнымі, спартыўнымі і навуковымі дасягненнямі праслаўляюць Беларусь. Інфармацыйная хвілінка “Цікавыя факты аб Беларусі”, тэматычная віктарына “Зямля лягенд”, конкурс “Слова беларускае” паказалі, як добра дзеці ведаюць сваю краіну і валодаюць роднай мовай. Суправаджалі мерапрыемства музычныя нумары выхаванцаў школы мастацтва, у іх выкананні прагучалі песні, прысвечаныя нашай Радзіме. Напрыканцы вядучыя запрасілі ўдзельнікаў мерапрыемства быць дастойнымі прадаўжальнікамі традыцый беларускага народа.
Апр 14 2021
Свежие комментарии