Францыск Скарына і яго час

У гарадской бібліятэцы № 8 імя Еўфрасінні Полацкай адбыўся чарговы занятак культурна-асветніцкага праекта “Кніжкіна гісторыя”, які быў прысвечаны першадрукару, вучонаму, выдатнаму асветніку Францыску Скарыне. Занятак прайшоў пад назвай “Францыск Скарына і яго час”. Вучні 4 “А” класа ДУА “Сярэдняя школа № 18 г. Бабруйска” даведаліся пра жыццё і дзейнасць Францыска Скарыны, пачатак кнігадрукавання на Беларусі, а таксама пра тое, як ушаноўваецца памяць нашага славутага земляка.

У другой часцы мерапрыемства дзеці знайшлі правільную дарогу ў лабірынце “Шлях Скарыны ў Прагу” і складалі пазлы з выявай першадрукара.