Дзівосы сучаснай кнігі

У гарадской бібліятэцы № 8 імя Еўфрасінні Полацкай адбыўся чарговы занятак культурна-асветніцкага праекта “Кніжкіна гісторыя”, які называўся “Дзівосы сучаснай кнігі”. Вучні 4 “А” класа ДУА “Сярэдняя школа № 18 г. Бабруйска” даведаліся з якіх элементаў складаецца кніга, што такое “вокладка”, “фарзац”, “тытульны ліст” і г.д. Прасачылі шлях кнігі ад яе напісання пісьменнікам да з’яўлення ў бібліятэцы. Дзеці пазнаёміліся з цікавымі формамі сучасных кніг: трохмернымі і аб’ёмнымі кнігамі, кнігамі-скульптурамі і інш.

У другой часцы мерапрыемства дзеці паспрабавалі зрабіць і аформіць уласную мініяцюрную кнігу.