Рубрика: Мая мова – беларуская. Навіны

З мэтай папулярызацыі беларускай мовы і з нагоды Міжнароднага дня роднай мовы адбылася інфарміна “Пяшчотная сугучнасць роднай мовы”. Падчас мерапрыемства вучням нагадалі, што мова – частка нацыянальнай культуры і гістарычнай спадчыны, што дзякуючы ёй працягваюць існаваць векавыя традыцыі і  духоўныя здабыткі. Вучні з дапамогай  слайд-прэзентацыі “Мова мая беларуская”, віктарыны “Таямніцы роднай мовы” і тэматычнай гульні “Незабыўныя радкі” дакрануліся да крыніц роднай мовы, успомнілі беларускія прыказкі і прымаўкі, загадкі і жарты, даведаліся, чаму наша мова жывая, родная і гаваркая. Кніжная выстава “ Шануем мову сваіх продкаў” прапанавала падборку вядомых твораў класікаў беларускай літаратуры. А каб данесці да юных чытачоў прыгажосць і непаўторнасць беларускага слова, удзельнікам мерапрыемства ўручылі закладкі “Вучымся размаўляць на роднай мове” .

21 лютага ўвесь свет адзначае Міжнародны дзень роднай мовы. Нашай роднай мовай менавіта з’яўляецца беларуская мова. Роднай – значыць любімай, дарагой, самай-самай. Беларусам многія могуць пазайздросціць: у спадчыну нам засталася па-сапраўднаму ўнікальная мова. Гарадская бібліятэка імя А. С. Пушкіна таксама не засталася ўбаку ад гэтага свята і разам з навучэнцамі Бабруйскага дзяржаўнага медыцынскага каледжа правяла інтэлектуальную гульню-віктарыну «Ты, ў сэрцы маім, матуліна мова».

На званне лепшага знаўцы роднай мовы прэтэндавалі две каманды: «Васілёк» і «Каласок». Яны ўдельнічалі ў конкурсах: «Перакладчыкі», «Тлумачальнік», «Загадкавы», «Музычны», «Паэтычны» і іншых. Кожны з удзельнікаў свята не толькі змог праявіць сваю эрудыцыю, але і паглыбіць веды па гісторыі ўзнікнення беларускай мовы, яе развіцці і сучасным стане. Нягледзячы на тое, што перамогу ў гульні атрымала каманда «Васілёк», усе ўдзельнікі мерапрыемства былі ўзнагароджаны памятнымі падарункамі.

Завяршаючым акордам мерапрыемства стала вуснае пажаданне-зварот вядучай для прысутных быць разам з тымі,  хто думае пра  будучыню роднай мовы, размаўляе на ёй, бо беларуская  мова- спрадвечная гаспадыня на сваёй зямлі і іншай мовы нам не трэба.

21 лютага ва ўсім свеце адзначаецца Міжнародны дзень роднай мовы. Сёння ў свеце шмат цудоўных моў. Адны з іх вабяць сваёй прыгажосцю і непаўторнасцю, другія — мілагучнасцю. Але ў кожнага чалавека ёсць толькі адна родная мова. Менавіта на гэтай мове ён размаўляе з роднымі, сябрамі, знаёмымі. Для нас, беларусаў, роднай мовай  з’яўляецца  беларуская мова. Выхаванню любові і павагі да матчынай мовы было прысвечана правядзенне ў Цэнтральнай дзіцячай бібліятэцы імя А. П. Гайдара для вучняў 8 “Б” класа ДУА “Сярэдняя школа №2 г.Бабруйска” турніра інтэлектуалаў “Зямлі маёй роднае слова”. Вучні пазнаёміліся з гісторыяй узнікнення Міжнароднага дня роднай мовы, а потым у фармаце інтэлектуальнай гульні акунуліся ў інтэрактыўны занятак. Клас быў падзелены на тры каманды: “Песняры”,  “Аматары” і “Пралескі”, якія адказвалі на пытанні віктарыны ў наступных катэгорыях: “Твор/Аўтар” (назваць), “Музычны ўрывак” (угадаць песні на словы беларускіх паэтаў Я.Купалы, Г.Бураўкіна, М.Багдановіча і інш.), “Малюнкі” (пытанні на візуальнае ўспрыманне), “Лічбы/Факты” (пытанні, звязаныя з творчасцю пісьменікаў альбо значнымі падзеямі ў беларускай літаратуры), “Цытата” (дапоўніць вядомыя выказванні, знакамітыя радкі з твораў беларускіх пісьменнікаў і паэтаў), “Словы” (растлумачыць сэнс малаўжывальных і рэдкіх слоў). Кожны  правільны адказ ацэньваўся  баламі ад 1 да 5. Каманда, якая адказвала правільна,  залічвала на свой рахунак  балы і выбірала наступную катэгорыю і пытанне. Пасля падліку балаў былі падведзены вынікі турніра: 1 месца атрымала каманда “Песняры”. Завяршылася мерапрыемства пажаданнем вучням больш увагі надаваць у вучобе вывучэнню беларускай літаратуры, гісторыі і культуры.

21 лютага ў свеце адзначаецца Міжнародны дзень роднай мовы. Напярэдадні свята ў гарадской бібліятэцы імя А.С.Пушкіна прайшла гульня-віктарына «Адкрываю…нанова беларускае роднае слова…» для навучэнцаў УА «Сярэдняя школа №1 г.Бабруйска».

Удзельнікі свята даведаліся, што ў свеце шмат цудоўных моў. Адны з іх вабяць прыгажосцю і непаўторнасцю, а наша родная беларуская мова – мілагучнасцю. Пераканацца ў прыгажосці і непаўторнасці беларускай мовы дзеці змаглі з дапамогай конкурсаў: «Перакладчыкі», «Тлумачальнік», «Загадкавы», «Музычны», «Паэтычны» і іншых.

Свята спеўнага, звонкага, непаўторнага роднага слова прайшло ў сяброўскай атмасферы. Дзеці змаглі не толькі праявіць сваю эрудыцыю, але і паглыбіць веды па гісторыі ўзнікнення беларускай мовы, яе развіцці і сучасным стане.

У канцы мерапрыемства вядучая падвяла ўдзельникаў свята да высновы аб тым, што родная мова жыве не толькі ў вершах і песнях, яна арганічна акружае нас у штодзённым жыцці. І свята роднай мовы – нагода для нас яшчэ раз задумацца аб лёсе той адзінай, якую мы завём матчынай, на якой думаем, на якой вымавілі першае слова.