21 лютага Беларусь адзначыць Міжнародны дзень роднай мовы. Мова – душа народа, векавая памяць многіх пакаленняў, наш галоўны нацыянальны скарб. Жыве мова – жыве народ.
У дзіцячай бібліятэцы № 5 з мэтай папулярызацыі моўнай і культурнай разнастайнасці адбыўся інфармацыйны час “Моўны скарб роднай зямлі”. Пад час мерапрыемства вучням нагадалі, што мова – частка нацыянальнай культуры і гістарычнай спадчыны, што дзякуючы ёй працягваюць існаваць векавыя традыцыі і духоўныя здабыткі беларускага народа. Удзельнікі мерапрыемства з дапамогай слайд – прэзентацыі “Мовы бацькоўскай сузор,е”, віктарыны “Родная мова, матчына мова” і тэматычнай гульні “Аб родным краі на роднай мове” дакрануліся да крыніц роднай мовы, успомнілі беларускія прыказкі і прымаўкі, загадкі і жарты, даведаліся, чаму наша мова жывая, родная і гаваркая. Кніжная выстава “Срэбныя званы матчынай мовы” прапанавала падборку вядомых твораў класікаў беларускай літаратуры. А каб данесці да чытачоў прыгажосць і непаўторнасць беларускага слова на працягу мерапрыемства гучалі знакамітыя беларускія мелодыі.
Свежие комментарии