Слава да слова – будзе мова

У гарадской бібліятэцы № 8 імя Еўфрасінні Полацкай для вучняў 4 “Б” класа ДУА “Сярэдняя школа № 18 г. Бабруйска” прайшоў слоўнікавы лабірынт “Слова да слова – будзе мова”, прымеркаваны да Міжнароднага дня роднай мовы. Дзеці падзяліліся на некалькі каманд. Іх чакала шэсць разнастайных заданняў на веданне беларускай мовы, трэба было разгадаць загадкі, выправіць памылкі, дапоўніць прыказкі і інш. Перамагла каманда, якая набрала большую колькасць балаў. Усе ўдзельнікі конкурсу атрымалі прыгожыя беларускамоўныя закладкі і ў канцы мерапрыемства пазнаёміліся з кніжнай выстаўкай “Фарбы роднай мовы”.