21 лютага адзначаецца Міжнародны дзень роднай мовы. З гэтай нагоды супрацоўнік гарадской бібліятэкі №7 імя А.А. Шагенцукава для вучняў 7 “А” класа ДУА “СШ №19 г. Бабруйска” правяла ўрок беларусазнаўства “Мова народа – яго святыня”.
На мерапрыемстве вучні пазнаёміліся з гісторыяй узнікнення роднай мовы, абмеркавалі яе сучаснае становішча, даведаліся аб тым, што родная мова – гэта першая крыніца, праз якую мы пазнаём жыццё і акаляючы нас свет, частка нацыянальнай культуры, што дзякуючы ёй працягваюць існаваць векавыя традыцыі і духоўныя здабыткі.
Таксама прысутныя прагледзелі відэаролікі пра беларускую мову: “Беларуская мова – вялікая мова”, “Родная мова”, “Міжнародны дзень роднай мовы”, з задавальненнем чыталі вершы беларускіх паэтаў, удзельнічалі ў тэматычных конкурсах і віктарынах, успаміналі беларускія прыказкі і прымаўкі, адгадвалі загадкі.
Свежие комментарии