Родная мова, цудоўная мова!
Ты нашых думак уток і аснова!
Ты мне заўсёды была дапамогай,
Дзе б і якой не хадзіў я дарогай.
Мова – частка чалавечай культуры, гістарычнай спадчыны. Дзякуючы ёй, працягваюць жыць традыцыі. Мова абуджае цікавасць да пазнання свету, садзейнічае праяўленню павагі да нашага мінулага і служыць элементам аб’яднання людзей незалежна ад месца і часу іх пражывання. Сёння ў свеце шмат цудоўных моў. Адны з іх вабяць сваёй прыгажосцю і непаўторнасцю, другія – мілагучнасцю. Але ў кожнага чалавека ёсць толькі адна родная мова. Менавіта на гэтай мове ён размаўляе з роднымі, сябрамі, знаёмымі. Супрацоўнікі бібліятэкі №4 ім. Б.М. Мікуліча падрыхтавалі і правялі для сваіх чытачоў літаратурную гадзіну “Дала мне маці родную мову”. Нашым чытачам былі прапанаваны пытанні – жарты на беларускай мове,конкурсы “Нечаканыя пераўтварэнні” і “Размінка”. Былі зачытаны 10 запаведзяў, каб зберагчы родную мову. На мерапрыемства таксама быў запрошаны гурт “Гармонія” і наш бабруйскі паэт В. Чарняцоў. Гучалі не толькі народныя песні, але і песні пра Беларусь. Весела і цікава прайшло мерапрыемства і яшчэ доўга нашы слухачы не маглі адпусціць артыстаў. Мерапрыемства скончылася, але асалода ад сустрэчы засталася.
