29 студзеня ў гарадской бібліятэцы №7 імя А.А. Шагенцукава адбыўся літаратурны партрэт “Іван Шамякін. Летапісец эпохі”, прысвечаны 105-годдзю з дня нараджэння народнага пісьменніка Беларусі. На мерапрыемства завіталі вучні 8 “Б” класа ДУО “Сярэдняя школа №19 г. Бабруйска” і бабруйскія паэтэсы літаратурнага аб’яднання “Сонечныя нівы”.
У першай часткі мерапрыемства прысутныя пазнаёміліся з жыццём і багатай творчай спадчынай народнага пісьменніка Беларусі. Асаблівая ўвага была нададзена ваеннаму перыяду ў лёсе пісьменніка, таму ў цэнтры абмеркавання апынулася знакамітая пенталогія “Трывожнае шчасце”, а таксама раманы “Сэрца на далоні” і “Глыбокая плынь”. Прысутныя даведаліся, што Іван Шамякін быў не толькі пісьменнікам, але і грамадскім дзеячам. Яго заслугі адзначаны шматлікімі ўзнагародамі.
У другой часткі мерапрыемства адбылася сустрэча з старшынёй творчага літаратурнага аб’яднання “Сонечныя нівы” Акушка Надзеяй Паўлаўнай і бабруйскімі паэтэсамі: Собалевай Кацярынай Лейзераўнай і Станкевіч Тамарай Кірылаўнай.
Сустрэча атрымалася асабліва цёплай і насычанай. Гучалі з натхненнем лірычныя вершы, прысвечаныя радзіме, мове беларускай. Кранулі вучняў і вершы пра Вялікую Айчынную вайну.
Мерапрыемства суправаджалася праглядам дакументальных відэаролікаў: «Жыццё і творчасць народнага пісьменніка”, «Іван Шамякін, трывожнае шчасце пісьменніка».
