5 красавіка ў гарадской бібліятэцы №4 ім. Б. М. Мікуліча прайшла літаратурна-музычная гасцёўня «А душа – у родным краі!» у рамках праекта «Аб малой радзіме з любоўю» для старэйшых вучняў ДУА «Сярэдняя школа №32 г. Бабруйска» .
Для кожнага з нас малая радзіма – самая лепшая і прыгожая. Гэта святое месца, яно цягне да сябе нябачнай, дужа моцнай ніткай. Тут самыя квяцістыя сады, лепшыя краявіды, непаўторны водар і жывуць асаблівыя людзі. Для мерапрыемства дзеці падрыхтавалі вершы пра малую радзіму асабістага сачынення, а яшчэ чыталі творы класікаў. Госцем нашага мерапрыемства стала бабруйская паэтка Вера Дудко, якая з вялікім задавальненнем рассказала не толькі пра сваю малую радзіму, але і пачытала свае вершы і пра любімую вёску, і пра людзей, якія там жылі. Цікава прайшла віктарына «Скарбонка мудрасці», дзе дзеці паказалі свае веды пра гісторыю і традыцыі роднай старонкі.
Свежие комментарии