Сцежкамі беларускіх казак

17 кастрычніка адзначаецца 20-годдзе прыняцця ЮНЭСКА Канвенцыі аб ахове нематэрыяльнай культурнай спадчыны. З гэтай нагоды ў гарадской бібліятэцы № 8 імя Еўфрасінні Полацкай для вучняў 3 “Б” класа ДУА “Сярэдняя школа № 18 г. Бабруйска” прайшла літаратурная гадзіна “Сцежкамі беларускіх казак”. Дзеці даведаліся пра тое, што такое казка, на якія віды падзяляюцца беларускія народныя казкі, успамнілі казкі пра жывёл, чарадзейныя і сацыяльна-бытавыя казкі. Дзеці ўдзельнічалі ў шматлікіх віктарынах, а таксама расказалі пра сваю самую любімую беларускую казку. У канцы мерапрыемства вучні пазнаёміліся з кніжнай выстаўкай “Чароўны свет казак”.