Родная мова – крыніца празрыстая

Мова – гэта частка чалавечай культуры, гістарычнай спадчыны. Дзякуючы ёй,працягваюць жыць традыцыі, мова абуджае цікавасць да пазнання свету. Сёння ў свеце шмат цудоўных моў, адны з іх вабяць сваёй прыгажосцю і непаўторнасцю, другія мілагучнасцю.Але ў кожнага чалавека ёсць толькі адна родная мова, менавіта на гэтай мове ён размаўляе з роднымі, сябрамі, знаёмымі.Для сваіх маленькіх чытачоў, вучняў 1 “В” класа ДУА “Сярэдняя школа №10г.Бабруйска” супрацоўнікі бібліятэкі №4 ім.Б.М.Мікуліча правялі літаратурна-музычную кампазіцыю “Родная мова- крыніца празрыстая”.

Дзеці пачулі гісторыю і шлях станаўлення беларускай мовы, гучалі беларускія песні, ды вершы.Нашым удзельнікам былі прапанаваны пытанні-жарты на беларускай мове, якія ім вельмі спадабаліся,а таксама гульні беларускія. Беларуская казка з элементамі тэатралізацыі выклікала хвалю станоўчых эмоцый. Мерапрыемтва скончылася, але асалода  ад сустрэчы засталася.