Для кожнага чалавека мова — гэта першыя словы маці, гэта гукі роднай прыроды і голас продкаў. Беларуская мова прайшла доўгі і складаны шлях, але засталася жывой, мілагучнай і непаўторнай. Яна — наш гонар і наш скарб.
Напярэдадні Міжнароднага дня роднай мовы супрацоўнікі цэнтралiзаванай дзiцячай бiблiятэкi імя А. П. Гайдара зладзілі цікавае мерапрыемства для навучэнцаў 4 “Б” класа ДУА “Сярэдняя школа №2 г. Бабруйска”. У фармаце інтарактыўнай гульні вучні блалі ўдзел у конкурсах, перакладаючы устойлівыя выразы з рускай на беларускую і наадварот, спаборнічалі ў веданні цытат з твораў класікаў, правяралі кемлівасць, разгадваюцы беларускія загадкі і ўзгадвалі багацце нашых прыказак.
Сёняшняя пазея гэта цудоўная нагода яшчэ раз прызнацца ў любові да роднага слова і адчуць яго магічную сілу.
Давайце памятаць, што пакуль жыве мова — жыве і народ!
