М.І. Гарэцкі, 130 – годдзе якога адзначае Беларусь, належыць да ліку выдатных дзеячаў беларускай літаратуры. Яго творчасць уяўляе змястоўную і яскравую старонку ў гісторыі нацыянальнага пісьменства.
Падчас мерапрыемства ўдзельнікі даведаліся, што М. Гарэцкі – асоба надзвычай шырокага творчага дыяпазону: таленавіты майстар слова, вучоны, гісторык, перакладчык, збіральнік і прапагандыст вуснай народнай творчасці. Жыццёвы і творчы шлях пісьменніка ўдзельнікі мерапрыемства прасачылі, гартаючы старонкі віртуальнай выстаўкі “Шляхамі служэння Беларусі”. Інфармацыйная хвілінка “Вянок памяці” паведаміла пра нядоўгае жыццё пісьменніка, якое складалася з розных перыядаў: М.Гарэцкі быў удзельнікам Першай сусветнай вайны, паспяхова працаваў у газеце “Звязда”, склаў “Хрэстаматыю беларускай літаратуры”, працаваў у Беларускім універсытэце і Горацкай сельскагаспадарчай акадэміі, напісаў шмат вядомых твораў. Але па абвінавачванню ў антысавецкай дзейнасці быў арыштаваны і у лютым 1938 года растраляны. Толькі ў 1957 годзе ён быу рэабілітаваны.
Мінуў час, змяніліся пакаленні, а погляды Максіма Гарэцкага не страцілі сваёй актуальнасці. Ён здолеў прайсці праз стагоддзе, паклаўшы сваё жыццё на алтар служэння бацькаўшчыне.
Пользователи сегодня : 5
Пользователи в этом году : 10341
Свежие комментарии