Жыла-была беларуская казка

“Жыла-была беларуская казка” – пад такой назвай адбылася беларуская скарбонка ў ДУА «Яслі-сад №44 г. Бабруйска» у межах праекту «Внедрение модели формирования культуры межличностного общения детей дошкольного и школьного возраста на православных традициях и ценностях белорусского народа в условиях государственного двуязычия» (2019-2024гг).

У Дзень роднай мовы бібліятэкары гарадской бібліятэкі №8 імя Еўфрасінні Полацкай расказалі маленькім выхаванцам садка пра родную беларускую мову, пра тое чаму ў нашай краіне дзве дзяржаўныя мовы і на якіх мовах размаўляюць народы свету. Дзеці з захапленнем і цікавасцю паслухалі беларускія народныя казкі, даведаліся пра страшнага казачнага “Пыха”, пагулялі ў гульню “Назаві па-беларуску”, адгадалі казачныя загадкі. Завяршылася мерапрыемства праглядам кніг з беларускімі казкамі “У свеце казкі”.