21 лютага – у Дзень роднай мовы, у дзіцячай бібліятэцы №6 імя М. А. Астроўскага адбылася акцыя “У спадчыну добрае, роднае слова”.
Шматлікія наведвальнікі бібліятэкі ў гэты дзень прынялі ўдзел у акцыі. Іх увазе бібліятэкары прапанавалі: літаратурнае лато “Пазнай пісьменніка па партрэту”, дзе кожны ўдзельнік мог пазнаць па партрэту беларускага пісьменніка, назваць яго творы. Вельмі спадабалася дзецям і дарослым гуляць у літаратурнае даміно “Роднай мовы гук чароўны“. Гульцы атрымалі буклеты, закладкі і цукеркі. Усім жадаючым у гэты дзень бібліятэкары прапанавалі на беларускай мове экскурс у мінулае “Аб чым расказаў экспанат з дзедавай хаты” у кутку “Сялянская хата”, дзе дзеці, падлеткі і дарослыя змаглі дакрануцца да мінулага, пазнаёміцца з рэчамі хатняга ўжытку і пабачыць прылады працы ў рабоце.
Свежие комментарии