Сцежкамі беларускіх казак

21 лютага адзначаецца Міжнародны дзень роднай мовы. З гэтай нагоды ў гарадской бібліятэцы №8 імя Еўфрасінні Полацкай для вучняў 3 “Б” класа ДУА “Гімназія-коледж мастацтваў г. Бабруйска” прайшла літаратурная гадзіна “Сцежкамі беларускіх казак”. Удзельнікі мерапрыемства даведаліся пра тое, што такое казка, на якія віды падзяляюцца беларускія народныя казкі, успамнілі казкі пра жывёл, чарадзейныя і сацыяльна-бытавыя казкі. Дзеці ўдзельнічалі ў шматлікіх віктарынах, а таксама расказалі пра сваю самую любімую беларускую казку. У канцы мерапрыемства вучні пазнаёміліся з кніжнай выстаўкай “Чароўны свет казак”.