26 красавіка 1986 года. Гэта дата назаўсёды правяла раздзел на “да” і “пасля” ў гісторыі чалавецтва. У выніку аварыі на Чарнобыльскай АЭС сотні мільёнаў кюры радыёактыўных рэчаў забрудзіла навакольнае асяроддзе, аварыя забрала дзесяткі тысяч жыццяў. З таго дня свет даведаўся пра страшнае слова “Чарнобыль”. Наступствы аварыі на Чарнобыльскай АЭС працягваюць заставацца актуальнымі для шмат тысяч жыхароў Беларусі, Украіны, Расіі.
Беларускія пісьменнікі не засталіся ў баку, яны стварылі мастацкія творы і дакументальныя нарысы аб самай буйной тэхнагеннай катастрофе за ўсю гісторыю чалавецтва.
Да 37-годдзя аварыі на Чарнобыльскай АЭС супрацоўнікі гарадской бібліятэкі № 8 імя Еўфрасінні Полацкай падрыхтавалі віртуальны рэпартаж-агляд “Беларускія пісьменнікі аб чарнобыльскай трагедыі”. Вашай увазе прадстаўлены кнігі айчынных пісьменнікаў з фонду бібліятэкі, якія дапамогуць уявіць усю карціну таго, што здарылася 26 красавіка 1986 года.
