Рубрика: Кожная пятніца – роднае, сваё

Васіль Вітка  – знакаміты беларускі пісьменнік, якога называюць “беларускім Андэрсанам” за яго цудоўныя казкі і вершы для дзяцей. Ён прысвяціў усё сваё жыццё таму, каб парадаваць маленькіх чытачоў і навучыць іх быць добрымі, сумленнымі і любіць родную мову.

У рамках праекта “Кожная пятніца – роднае, сваё” цэнтральная дзіцячая бібліятэка імя А.П.Гайдара правяла літаратурны куфэрак “Казкі дзеда Васіля”. Падчас правядзення мерапрыемства дзеці даведаліся, што Васіль Вітка стаў першым галоўным рэдактарам знакамітага дзіцячага часопіса “Вясёлка”, што менавіта ён прыдумаў любімага героя многіх пакаленняў беларускіх дзяцей – хлопчыка Васю Вясёлкіна. Увазе маленькіх чытачоў былі прадстаўлены лепшыя творы В.Віткі: “Вавёрчына гора”, “Буслінае лета”, “Казка пра цара Зубра”, “Азбука Васі Вясёлкіна” і інш.

Завяршылася мерапрыемства пажаданнем больш чытаць творы Васіля Віткі, таму что яны дапамагаюць дзецям зразумець, дзе дабро, а дзе зло, чаму трэба дапамагаць сябрам і чаму так важна берагчы прыроду.

У рамках праекта “Кожная пятніца – роднае, сваё” у гарадской бібліятэцы №16 прайшла віктарына-гульня “Ад верша да песні”. Беларуская паэзія вельмі музычная і адкрыць яе для сябе змаглі навучэнцы УА «Бабруйскі дзяржаўны індустрыяльна-будаўнічы каледж», прыняўшы ўдзел у мерапрыемстве. Віктарына-гульня насіла камандны характар, і складалася з пяці блокаў пытанняў. Выкарыстоўваючы такі фармат, мы пазнаёмілі моладзь з найбольш вядомымі вершамі беларускіх паэтаў, пакладзенымі на музыку і атрымаўшымі сусветную вядомасць. Падчас мерапрыемства гучалі ўрыўкі з песень на вершы М. Багдановіча, Я.Купалы, У. Някляева, В. Карызны, Н. Гілевіча, Л. Пранчака, А. Русака і інш. Таксама бібліятэкар пазнаёміла навучэнцаў са зборнікамі паэзіі, якія папоўнілі фонд бібліятэкі.

В рамках проекта «Кожная пятніца-роднае, сваё!» в городской библиотеке №12 прошло мероприятие День белорусской кухни «Белорусские вкусы: угощения с душой» для пользователей библиотеки. Библиотекарь познакомила  с историей и  традициями белорусской кухни. В ходе мероприятия пользователи библиотеки узнали, какие продукты наиболее часто используются при приготовлении традиционных белорусских блюд, определили ТОП-10 национальных блюд и рецепов их приготовления. Отвечали на вопросы викторины «Кулінарная спадчына беларусаў» и провели дегустацию блюд. Не осталась без внимания книжная выставка «Вкус белорусской кухни». Мероприятие получилось ярким и запоминающимся.

У рамках рэалізацыі агульнанацыянальнага праекта “Кожная пятніца – роднае, сваё” ў гарадской бібліятэцы ім. А.С. Пушкіна прайшла хвіліна карыснай інфармацыі “Няскучная беларуская класіка”. На гэтай выставе былі сабраны творы беларускіх пісьменнікаў, якія не проста ўвайшлі ў гісторыю літаратуры, але і да гэтага часу хвалююць сэрцы чытачоў. Тут можна было знайсці драму і гумар, любоў і подзвіг, філасофію і бытавую праўду – усё тое, што робіць літаратуру жывой.   Класіка становіцца жывой, калі ты знаходзіш у ёй сябе. Калі разумееш, што праблемы кахання, здрады,  пошуку сэнса жыцця не змяніліся за шмат гадоў. Выстава выклікала  цікавасць у карыстальнікаў розных узростаў. Было адзначана павелічэнне попыту на кнігі, прадстаўленыя на экспазіцыі.

У рамках праекта “Кожная пятніца – роднае, сваё” для наведвальнікаў бібліёбуса цэнтральнай гарадской бібліятэкі імя М.Горкага і жыхароў горада прайшоў тэматычны час “Смак роднай мовы”.

Гэта мерапрыемства было прысвечана багаццю і прыгажосці нашай роднай мовы, яе гісторыі і сучаснасці. Тэматычны час пачаўся з прывітальнага слова бібліятэкара, якая падкрэсліла важнасць захавання і развіцця беларускай мовы і літаратуры.

Для нашых чытачоў была арганізавана выстава кніг беларускіх аўтараў. На ёй былі прадстаўлены як творы класікаў Якуба Коласа, Янкі Купалы, Максіма Багдановіча, так і дасягненні сучасных літаратараў, імёны якіх на слыху сёння. Чытачы змаглі пазнаёміцца з разнастайнасцю жанраў: ад паэзіі і прозы да п’ес і нарысаў. Таксама была прадстаўлена выстава беларускіх часопісаў.

 Многія з прысутных з асаблівым захапленнем разглядалі выданні, што захоўваюць мудрасць і прыгажосць беларускай мовы. Адбылося шмат цікавых размоў, людзі дзяліліся свамі ўспамінамі аб тым, як даўно чыталі беларускія творы. Самым прыемным стала тое, што шматлікія чытачы выбралі сабе кнігі для далейшага чытання і ўзялі іх дадому.

“Смак беларускай мовы” – гэта не толькі пра дэгустацыю літаратурных твораў, але і пра глубокае адчуванне сувязі са сваёй культурай, гісторыяй і мовай. Спадзяемся, што такія сустрэчы стануць добрай традыцыяй.