Рубрика: Новости

У рамках тыдня беларускай мовы «Дзіўная родная мова» у гарадской бібліятэцы №16 адбыўся дзень роднай мовы “Размаўляй са мной па-беларуску”. Вучні  5-х класаў ДУА “СШ №28 г. Бабруйска” былі запрошаны на віртуальнае падарожжа ў беларускую мову “Родная мова, цудоўная мова”. Яны даведаліся з чаго калісьці пачыналася мова, як развівалася. А вось пазнаёміцца з некаторымі яе скарбамі вучні змаглі ў гульнёвай частцы мерапрыемства. Яны з задавальненнем спаборнічалі ў рашэнні беларускамоўных рэбусаў, шукалі лічэбнікі ў сказах, займаліся перакладніцкай справай на хуткасць і дасканаласць. Напрыканцы мерапрыемства бібліятэкар пазнаёміла дзяцей з навінкамі беларускамоўнай літаратуры, што выклікала ў іх сапраўдную цікавасць: большасць с прадстаўленых кніг былі выдадзены.

У гэты ж дзень вучні 9 “Д” класа ДУА “СШ №28 г. Бабруйска” прынялі ўдзел у правядзенні электроннай віктарыны-гульні “Таямніцы беларускіх слоў”.  Адказваючы на пытанні вучні змаглі паказаць неблагія веды і праявіць эрудыцыю.

Таксама на працягу дня супрацоўнікі бібліятэкі прапаноўвалі ўсім  размаўляць на беларускай мове. Галоўнае – не саромецца недасканалай гаворкі. Мова – жывая існасць, якая жыве там, дзе ёсць людское жаданне. Учора ты яшчэ не гаварыў па-беларуску, сення размаўляеш на “трасянцы”, заўтра будзеш гаварыць на чыстай літаратурнай мове. А дзеля пачатку дастаткова зусім мала – проста пасбраваць адзін раз у год, напрыклад, 21 лютага, з калегамі, сябрамі, роднымі размаўляць па-беларуску. І тады наша родная мова не трапіць у спіс тых трох тысяч, гатовых знікнуць.

21 лютага ва ўсім свеце адзначаецца Міжнародны дзень роднай мовы, які накіраваны на абарону знікаючых моў. Моўная культура беларускага народа надзвычай багатая і самабытная. Яна ўвасоблена ў поўных чароўнага хараства песнях, лягендах, паданнях, прыказках, казках, у творах мастацкай літаратуры. Выхаванню ў падрастаючага пакалення паважлівых адносін да роднай мовы  было накіравана правядзенне ў ЦДБ імя А.П.Гайдара казачна-літаратурнай гадзіны “Мову родную, край свой любіце!” для вучняў 3 “А” класа ДУА “СШ №2 г. Бабруйска”. Увазе школьнікаў была прадстаўлена прэзентацыя “Тут спрадвеку гучыць мая мова…”, відэахвілінка “Скарына – беларускі супергерой”. З цікавасцю дзеці праслухалі відэазапіс верша П.Панчанкі “Родная мова” у выкананні чытачоў бібліятэкі, а потым прынялі актыўны ўдзел у конкурсах і гульнях. Завяршылася мерапрыемства праглядам беларускай народнай казкі “Як Сцёпка з панам гаварыў” у выкананні лялечнага тэатра “Пятрушка”.

21 февраля в городской библиотеке №16 для учащихся УО «Бобруйский государственный механико – технологический колледж» был подготовлен и проведён информационный гид «Цена зависимости – жизнь». Так как работа по профилактике асоциальных явлений требует деликатности, специальных знаний и профессиональных навыков на мероприятие был приглашен врач, психиатр – нарколог УЗ «БЦБ» «БНД» Ю.Н. Кузелко.  В своей беседе он раскрыл особенности возникновения разных видов наркомании, проинформировал  о причинах, формах и последствиях употребления наркотических веществ, раскрыл механизм влияния наркотиков на организм человека. «Наркотические вещества губительно действуют на умственные и психические способности человека, резко снижают продолжительность жизни» – подвел итог Юрий Николаевич и посоветовал учащимся вести здоровый образ жизни.  Молодые люди посмотрели видеосюжет, демонстрирующий, какие физические страдания испытывают люди, употребляющие наркотики, как коротка жизнь наркомана. Правильные ответы на вопросы интерактивной игры «Вредные привычки» показали, что молодежь владеет профилактическими знаниями по теме мероприятия.

21 лютага ў Гарадской бібліятэцы  імя А.С.Пушкіна прайшлі гучныя чытанні “Аб роднай мове  з захапленнем і павагай”, прысвечаныя Міжнароднаму дню роднай мовы з уделам навучэнцаў УА “Бабруйскі аграрна-эканамічны  каледж”.  Мэтай мерапрыемства было выхаваць у навучэнцаў беражлівае стаўлененне  да роднай мовы і развіць цікавасць да глыбокага вывучэння роднай мовы.

У час мерапрыемства дзеці пазнаёміліся з гісторыяй і культурай роднай мовы, дазналіся, што родная мова – генетычны код любой нацыі, які патрэбна любіць, шанаваць і берагчы. Адчуць прыгажосць і хараство роднай мовы прысутным дапамагло чытанне вершаў класікаў беларускай літаратуры (Я.Купалы, Я.Коласа, М.Танка і інш.), а таксама прагляд відэаматэрыялаў “Цудоўная беларуская мова,”Мова пачынаецца з цябе”. У 2018 годзе адзначаецца 100-дзе з дня выдання першай беларускай граматыкі Б.Тарашкевіча. Пра асобу вядомага беларускага мовазнаўца, грамадскага дзеяча і аўтара першай граматыкі беларускай мовы для школ Браніслава Тарашкевіча навучэнцы каледжа мелі магчымасць пазнаёміцца з аповеда вядучай. На прыканцы сустрэчы ўдзельнікам свята было дадзена “10 парад, як пачаць размаўляць па-беларуску”, бо трэба размаўляць на роднай мове, каб яна не адыйшла ў нябыт і ў забыццё.

У дзіцячай бібліятэцы №5 з мэтай папулярызацыі моўнай і культурнай разнастайнасці і з нагоды дня роднай мовы адбылася інфарміна “Моўны скарб роднай зямлі”. Пад час мерапрыемства вучням нагадалі, што мова – частка нацыянальнай культуры і гістарычнай спадчыны, што дзякуючы ёй працягваюць існаваць векавыя традыцыі і  духоўныя здабыткі. Вучні з дапамогай слайд-прэзентацыі “Над намі слова ўладар”, віктарыны “Мовы пяшчотнай сузор’е” і тэматычнай гульні “Незабыўныя радкі” дакрануліся да крыніц роднай мовы, успомнілі беларускія прыказкі і прымаўкі, загадкі і жарты, даведаліся, чаму наша мова жывая, родная і гаваркая. Кніжная выстава “Шануем мову сваіх продкаў” прапанавала падборку вядомых твораў класікаў беларускай літаратуры. А каб данесці да юных чытачоў прыгажосць і непаўторнасць беларускага слова на працягу мерапрыемства гучалі знакамітыя беларускія мелодыі ў выкананні  ўдзельнікаў мерапрыемства.