Рубрика: Новости

Сёння ў свеце налічваецца больш за шэсць тысяч моў. Палова з іх знаходзіцца пад пагрозай знікнення. Менавіта дзеля іх захавання ў 1999 годзе рашэннем ЮНЕСКА быў абвешчаны Міжнародны дзень роднай мовы.

Сумная гісторыя ў гэтай даты. У 1952 годзе ў Бангладэш (былы ўсходні Пакістан) прымусова замест роднай мовы была ўведзена мова “урду”. Гэта выклікала пратэст насельніцтва. Падчас хваляванняў пяцёра студэнтаў, якія змагаліся за наданне бенгальскай мове статусу дзяржаўнай і адстойвалі права навучацца на роднай мове, былі застрэлены паліцыяй. Адбылося гэта 21 лютага.

Для нашага народа родная мова – беларуская. Беларуская мова прайшла доўгі шлях, на якім былі як часы росквіту, так і часы заняпаду. Былі нават такія перыяды, калі беларуская мова ледзь не знікла. Аднак, нягледзячы на ўсе перашкоды, наша мова вытрымала выпрабаванні і цяпер квітнее, займае сваё пачэснае месца сярод іншых моў свету. Нам у спадчыну засталася ўнікальная беларуская мова – жывая і мілагучная, песенная і паэтычная, старажытная і сучасная.

“Ад калыханкі да малітвы”– пад такім дэвізам 21 лютага ў цэнтральнай гарадской бібліятэцы ім. М.Горкага адзначаўся Дзень роднай мовы.

На працягу мерапрыемства гучалі песні пра Беларусь, вучні 11”А” класа ДУА “Сярэдння школа №9 г. Бабруйска” чыталі вершы беларускіх пісьменнікаў, адгадвалі загадкі, расказвалі прыказкі і прымаўкі, удзельнічалі ў віктарынах, з задавальненнем уключыліся ў лінгвістычную гульню “Знаўцы роднай мовы” і хутка пераклалі словы з рускай мовы на беларускую і наадварот, здзейснілі падарожжа ў гісторыю Міжнароднага дня роднай мовы. Асаблівую ўвагу наведвальнікаў бібліятэкары звярнулі на кніжную выставу, якая раскрыла юным чытачам асаблівасці беларускай мовы і яе паходжання. Прысутнічым прапанавалі паглядзець самаю цудоўную рэкламу беларускай мовы “Смак роднай мовы”.

Уважліва слухала моладзь выступленне старшыні Бабруйскага аддзялення Беллітсаюза “Полоцкая ветвь” Надзеі Паўлаўны Акушка, якая прадставіла свае вершы і ўрывак з апавядання “На дарогах вайны”.

Менавіта ў мове захавана гісторыя нашага народа, моц і прыгажосць народнага слова. Наша родная мова для нас – самая прыгожая.

Прапануем вашай ўвазе “Байку пра ганарыстага пеўня”, якую напісала Н. Акушка:

У двары стаяў куратнік, амаль новы.

Сярод курэй быў певень каляровы.

Як ганарлiва грэбнем ён кiваў,

На кошку з непавагай паглядаў.

Лiчыў гаспадаром сябе галоўным,

Пакор патрабаваў ён безумоўны.

Меў певень той характар – вельмi злы.

Яго баялiсь бараны, казлы,

Бо быў пятух страшэнны забiяка.

Ледзь што не так, ён лез aдразу ў драку.

І вось аднойчы клюнуў гаспадыню.

Калi яна давала ежу свiнням.

А кошка назiрала з-за вугла,

І жудасны тут лямант падняла.

Пачуў усё мужык той гаспадынi,

Злавiў i пад сякеру кiнуў злыдня.

Вось так i трапiў ў суп наш певень,

Застаўся толькi яго грэбень!

21 лютага святкуецца традыцыйнае свята – Міжнародны дзень роднай мовы. Дзень роднай мовы асаблівы для кожнай нацыі, кожнага народа, бо няма народа без мовы, няма мовы без яе носьбіта. Родная мова – гэта сімвал шанавання культурнай і духоўнай спадчыны Беларусі.

Да Міжнароднага дня роднай мовы ў гарадской бібліятэцы імя А.С. Пушкіна адбыўся Дзень беларускай кнігі  “Добры дзень, беларуская кніга”, дзе была арганізавана кніжная выстава-захапленне  “Ручай крыштальны мовы роднай!”, якая прапанавала карыстальнікам дакрануцца да крыніц беларускай мовы, народнай творчасці, пазнаёміцца з вершамі, казкамі, апавяданнямі беларускамоўных аўтараў, навінкамі беларускай літаратуры. У народнай мове шмат выразных, сакавітых слоў, яна надзвычай багатая  і мудрая. Дык не дамо загінуць ёй, жывой і непаўторнай, “з легендаў і казак” сатканай, “вобразнай, вольнай, пявучай”, цудоўнай роднай мове. Сярод чытальнікаў  адбылася акцыя   “Мама чытае на роднай мове”.  Мамы з задавальненнем чыталі вершы класікаў і сучасных аўтараў сваім хлопчыкам і дзяўчынкам. Таксама  наведвальнікі атрымлівалі флаеры  “ Давайце размаўляць па-беларуску”, “ Я люблю беларускую мову”. Працуючы над прасоўваннем беларускіх кніг бібліятэка падрыхтавала піяр-плакат новых беларускіх выданняў. Мерапрыемства выклікала ў чытачоў бібліятэкі пачуцці любові і гордасці за родную мову.

Мова — гэта душа народа, векавая памяць многіх пакаленняў, наш галоўны нацыянальны скарб.

Да Міжнароднага дня роднай мовы ў цэнтральнай дзіцячай бібіліятэцы імя А.П.Гайдара для навучэнцаў пачатковых класаў ДУА “Сярэдняя школа №2 г. Бабруйска” і вучняў 6 “А” класа ДУА “Сярэдняя школа №1г. Бабруйска”прайшоў урок беларускай літаратуры “Беларуская казка — розуму падказка” і ўрок беларускай мовы “Я закаханы ў матчыну мову”.

Для малодшых дзяцей бібліятэка падрыхтавала лялечны спектакль “Зайкава хатка”. Хлопчыкі і дзяўчынкі не толькі паглядзелі казку, але і прынялі актыўны ўдзел у віктарыне “Падарожжа ў казку” і конкурсе “Наадварот”, знайшлі адказы на загадкі-блытанкі і матэматычныя задачкі.

Вучні шостага класа  даведаліся аб гісторыі Міжнароднага дня роднай мовы і прадэманстравалі свае веды ў якасці знаўцаў беларускай мовы: і прыказку трэба было скласці, і словы адгадаць, і на пытанні крыжаванкі “Спадчына” правільна адказаць, і пераклад зрабіць.

Прыемна было слухаць, як дзеці з цеплынёй і пяшчотай чыталі вершы пра беларускую мову і родную Беларусь.

У канцы мерапрыемства вучні пазнаёміліся з кнігамі, прадстаўленымі на кніжнай выстаўцы “Беларуская літаратура: модныя кнігі і чытаемыя аўтары”.

Такім чынам, наведвальнікі бібліятэкі яшчэ раз змаглі пераканацца ў тым, што наша мова — гэта сапраўды ўнікальная мова: самая мілагучная, самая ласкавая, самая звонкая  і самая непаўторная…

21 февраля отмечается Всемирный день экскурсовода. Городская библиотека №12 среди учащихся 2-х классов  ГУО «Средняя школа №24 г. Бобруйска» провела краеведческий калейдоскоп  «Я – бобруйчанин».  В начале мероприятия  дети узнали о том, почему Бобруйск назван Бобруйском, об истории нашего города, его географическом положении и главных достопримечательностях. Затем ребята поделились на две команды «Березина» и «Бобруйка» и приняли участие в конкурсно-игровой программе.  Демонстрировался видеоролик Бусел Е.М. «Песня о Бобруйске», посмотрев который, школьники должны были назвать все достопримечательности нашего города, увиденные на экране. Далее ребята отвечали на вопросы викторины «Бобруйск туристический», участвовали в конкурсах «Бобруйск глазами фотографа», «АБВГД-йка бобруйских улиц» и «Кто живет в бобруйских реках», играли в игру-пазл «Сложи картинку о Бобруйске» и игру-лото  «Новые улицы – старинные названия». Мероприятие было насыщенным и познавательным. Дети узнали много нового и интересного про наш город, ведь не зря мы гордимся, что мы – бобруйчане!

Дзень роднай мовы, які адзначаецца 21 лютага, асаблівы для кожнага беларуса, бо ў кожнага з нас толькі адна родная мова, на якой чалавек размаўляе, шануе яе і перадае ў спадчыну наступным пакаленням. Родная мова – люстэрка нацыянальнай культуры і захавальніца  народных традыцый  і ўстояў.

Падчас мерапрыемства удзельнікі  прасачылі гістарычны шлях роднай мовы, атрымалі асалоду ад знаёмства са знакамітымі беларускімі пісьменнікамі і іх вершаванымі радкамі аб родным слове, даведаліся, дзе ўстаноўлены помнік унікальнаму сімвалу беларускага алфавіта –  літары “Ў”. Пашырыць веды пра багацце роднай мовы  вучні змаглі з дапамогай віктарыны “ Таямніцы роднага слова”, конкурсаў “Загадкі з вясковай хаткі”, “Перакладаем на беларускую мову”. Кніжная выстаўка “ Мову родную шануем”  прапанавала падборку вядомых твораў класікаў беларускай літаратуры. Каб данесці да школьнікаў прыгажосць і непаўторнаць беларускага слова на працягу мерапрыемства ў выкананні  выхавацеляў УА “ ДШМ №2 імя У.У. Алоўнікава” гучалі вядомыя беларускія творы.

Напрыканцы  прагучалі словы аб тым, што ў Беларусі захаванню роднай мовы надаецца вялікае  значэнне, бо родная мова – гэта не толькі наша нацыянальная спадчына, але і генетычны код кожнага беларуса.