У кожнага народа няма большага скарбу, чым яго мова. Родная мова – гэта характар народа, яго памяць, гісторыя, яго розум і вопыт. На беларускай мове напісана шмат вершаў, казак, паданняў. Кожны чалавек, які жыве ў Беларусі, павінен ведаць яе, бо гэта – наша галоўнае нацыянальнае багацце і адрозненне.
Ў цэнтральнай дзіцячай бібліятэцы імя А.П.Гайдара адбылася гадзіна – знаёмства “Літаратурныя таленты Бабруйшчыны ”, прысвечаная Дню роднай мовы, які штогод адзначаецца 21 лютага. Навучэнцы 4 «Б» класа ДУА «Сярэдняя школа № 2 г. Бабруйска» знаёміліся з кнігамі, якія былі прадстаўлены на выставе “Чароўныя гукі роднай мовы”. Юныя чытачы прымалі ўдзел у конкурсе знаўцаў беларускай мовы “Сказаў як звязаў”, знаёміліся з творамі дзіцячых беларускіх пісьменнікаў, часопісам “Вясёлка”.
Свежие комментарии