21 лютага супрацоўнікі Гарадской бібліятэкі №8 імя Еўфрасінні Полацкай для маленькіх выхаванцаў ДУА “Яслі-сад №44 г. Бабруйска” правялі гадзіну беларускай мовы “Свята беларускага слова”. Мерапрыемства адбылося ў межах інавацыйнага праекту з ДУА “Яслі-сад №44 г. Бабруйска” – «Внедрение модели формирования культуры межличностного общения детей дошкольного и школьного возраста на православных традициях и ценностях белорусского народа в условиях государственного двуязычия» (2019-2024гг).
З дапамогай “Чароўнага кошыка” дзеці знаёміліся з беларускай мовай, даведаліся чаму ў нашай краіне дзве дзяржаўныя мовы і на якіх мовах размаўляюць народы свету. Удзельнікі мерапрыемства з захапленнем і цікавасцю пагулялі ў гульню “Назаві па-беларуску”, пазнаёміліся з такімі беларускімі словамі як – парасон, цацкі, сябры, вясёлка, імбрык і інш. Падчас гульні “Родныя словы”, разам з бібліятэкарам, запісалі на папяровыя кветкі цікавыя беларускія словы і склалі цэлы кветкавы беларускамоўны букет. Завяршылася мерапрыемства праглядам кніг на беларускай мове “Мова родная мая”.
Свежие комментарии